Smart Kaise Bana Jaye

Smart Kaise Bane? Ek common question jo har kisi ke dimag mein kabhi na kbhi toh zaroor aata hai. Kaye baar toh hum personality ko blame karke kisi se baat bhi nhe kar pate. Hmare dimag mein bas yhe aata hai ki hum uske layak nahi hai, hamari personality usko suit nahi karti wagera wagera. Bahut se log jab kisi smart aur Handsome person ko dekhte hai to vo apne dimag par jor daal kar chup chap sochte hai ki, wo bhi unki tarah smart kaise ban sakte hai? Aaj-kal logo me bahut confusion hai, ki wo smart kaise bane, sabse pahle to aap ye soche ki aap smart hone ka kya matlab samjhte hai, or kya smart banne ke liye aap sab jaruri cheez seekh sakte hai.

Smart Kaise Bane

Smart Kaise Bane

Kuch log to is baat par bahas karte hai ki, log smart by birth hote hai unka wo intelligence level ya smartness baad mein kabhi change nahi ho sakti. Jabki aisa sab kehna galat hai kyunki personality age ke sath badhti hai. Jaise jaise aapko trends ki samjh aane legti hai aap implement karte ho waise waise ap smart bante rehte ho. Kya aap bhi is topic par confuse hai ki smart banne kaise? To bas karna kuch nahi aur niche diye steps ko padh ke implement karna hai.

▼ Educating Yourself

Education level aapke status, aapke living style ko bahut tarah se define karti hai. Hamesha apne dimag me rakhe ki education koi bekar cheez nahi jisse aapko school ya college me karne ko force kiya jaye, aapko khud apni aas pass ki duniya ki samajh honi chaiye. Or aap apne khud ke experiences se bhi sikh sakte hai, isse kayi baar unschooling bhi kaha jata hai. Aap kyi kisam ki books bhi padh sakte hai, or aapki jankari ke liye bata du ki duniya ke smartest log roj padhte hai. Aap isse hamesha enjoy nahi kar payenge, par isse aapke dimag ko bahut type ke new ideas or experience milte hai. Aapka way of speaking, talking and behaving aapki smartness ko define karta hai. Iske liye aap kuch tips padh sakte ho, vocabulary ke liye newspaper, etc.

▼ Expanding Your Horizons

Aapko new languages seekhni chahiye, isse aap new logo ke sath connect ho sakte hai or new ideas ke sath bhi. Aur jab aap naye logo se miloge, naye cheezo seekhoge, naye trends, style, etc, isse implement karne se aap mein bahut change aayega. Bas aapko thoda patience se kaam lena hai or positive rehna hoga. Iske ilawa aapko new jagah par jana chahiye, jitna aapse ho sake or aap new countries me bhi jaane ka try kar sakte hai. Isse aapko universe ke bare me pata chalega, or ye aapko open minded, smart or interesting bana dega. Kabhi bhi wo ek cheez hi mat kijiye jo aapko aati hai, aapko use alawa bhi bahut kuch try karna chahiye. Naye cheezo ko explore akrne se aapke mind ki bhi growth hoti hai aur personality bhi develop hoti hai.

▼ Developing Good Habits

Naye cheeze seekhna good habits hai. Naye cheeze means agar aap kahin naye jagah pe ja rahe ho aur waha kuch aisa hai jisme baare mein aapko nahi pata toh aapko in sab ke baare mein puchte rehna chahiye. Isse aapka skill set badhta hai aur aapka mind smart hota hai. But iske liye aapko pata hona chahiye ki aap kise puchna chahte ho, koi aisa friend jo aapko demoralize na kare. Aapko khud ke liye har hafte goals set karne chaiye. Aapko apna time education ko dena chaiye, khud ko padhane ke liye or agar aapko smart banna to aapko isme thodi mehnat to karni padegi. Aisa nahi hai ki aap ye sab kuch ek hi din ya raat me sikh jayenge, magar aap aapna jitna time isse denge utna hi fayeda ye aapko degi.

▼ Exercising Your Brain

Aapko puzzles par kaam karna chahiye jaise ki rubik’s cube ya sudoku, in puzzles ko solve karne se aapka brain working me rakhta hai or aapki mental capabilities badhti hai. Aapka dimag ek muscle hai, or aapko iske liye exercise karni hogi. Aap drawing ya painting bhi kar sakte ho or apna jyada tar time apni khud ki problem solves karte huye spend karna chahiye. Ya aap kahani ya poetry bhi likh sakte ho, kyunki creative writing aapke dimag ko force karega ki wo new situations or dailouge banaye. Ye aapki sochne ki shakti ko badhayega.

▼ Developing Your Personal Skills

Hamesha logo se acha behave kare, isse unhe aap me maturity, class or intelligence ke gun aayenge. Fir chahe aap khi par na bhi ho or aapke baare me baat hogi to sab acha hi bolenge. Hamesha yaad rakhe ki aap sabse jyada dusre logo se hi sikhte hai. Aap apne friends se ya apne janne waalo se ussi bare me baat karein jis bare me unhe pata nahi hai or sath me dhyan bhi rakhein ki kabhi is baat ka show off na kare. Smart(genius) wohi hota hai jo badi badi baaton ko ek simple tarike se logo ko samjha de.

To friends, ye the Smart Kaise Banne ke kuch lajawab tips. Umeed hai aapko jarur pasand aaye honge. Agar ab bhi aapko apni smartness me kuch kami lagti hai to aap comment karke humse koi bhi problem share kar sakte hai, Hume aapki problem solve karne me khushi hogi. Smart kaise bane Kuch puchne ke liye aap niche diye gaye comment box me apna question likh kar humse puch sakte hai.. 🙂


9 Comments

Add a Comment

Your email address will not be published. Required fields are marked *