Girlfriend Bhaw Khaye To Kya Kare

Kya aapki girlfriend hai aur wo bahut bhaw khatti hai, ho sakta isliye ki wo kaffi khoobsurat hai ya isliye ki wo rich hai ya sabse bada reason ki uske peeche kafi ladke hai. Aisa sab kuch bas abi hona shuru hua ya pehle bhi hota tha? Agar wo paise aur khoobsurati ki wajah se bhaw kha rahe hai th kahin na kahin aapko is cheez se problem hogi kyunki aapne toh use pyar kia tha naki uske paise aur khoobsurati se aur wo itni cheez nahi samjhte. Toh ab aap janna chahte hai Girlfriend Bhaw Khaye To Kya Kare? To ab ghabraye nahi kyunki aapki is problem ka solution bhi hai mere pass. Lekin uske liye aapko niche diye gaye tips ko ache se padhna hoga or sath hi un par amal bhi karna hoga. Taki aap sahi dhang se jaan sako ki jab girlfriend jarurat se jyada bhaav khaaye to kya kare. To doston, ab intezaar kis baat ka hai, ho jao shuru..

Girlfriend Jarurat Se Jyada Bhaav Khaaye To Kya Karna Chahiye Ke Tips

Girlfriend Jarurat Se Jyada Bhaav Khaaye To Kya Karna Chahiye Ke Tips

To doston, aaj ka hamara topic hai girlfriend jarurat se jyada bhaav khaaye to kya kare. Lekin aapko apni is problem ka solution jaanne se pahle ye janna jaruri hai ki aisa kab or kyun shuru hota hai. Or ise kaise thik kiya ja sakta hai, taki aapki girlfriend sahi pattri par wappis aa jaye. Lekin uske liye aapko niche diye gaye tips ko padh kar follow karna hoga.

Self Respect

Sabse pahle to aapko is baat ko samjhna hoga ki har insaan ke liye uski khud ki najaron me khud ke liye izzat hona bahut hi jyada jaruri hai. Kyunki agar aap khud ki respect karte hai tabhi baki sab bhi aapki respect karenge. Or fir uske baad aapko ye baat khud janni hogi ki aapki girlfriend ki najaron me aapki kya ehmiyat hai. Or wo aapko chahti bhi hai ya fir wo aapke sath sirf ek banawati rishte me hai. Kyunki agar wo aapko sach me chahti hogi to uske liye aapki respect karna hi sabse important baat hogi. Balki agar koi bhi dusra insaan aapke bare me kuch ulta bolta hai to wo baat use bilkul achi nahi lagni chahiye or sath hi aisa hona chahiye ki wo us insaan se ladne lag jaye sirf aapki respect ke liye. Isliye agar wo aisa sab kuch anjane me kar rahi hai to use pyar se samjaye or agar aapko aisa nahi lagta, to fir jo aapko sahi lagta hai aapko wohi karna chahiye.

Uske Aise Karne Ka Reason Jane

Aapka ye janna bahut hi jyada jaruri hai ki wo aisa kyun kar rahi hai. Kyunki kahi baar aisa hota hai ki use koi or pasand aa gaya hoga or wo jaanbuj kar aisa kar rahi ho. Ya fir uska aap me ab utna interest nahi reh gaya, jitna ki pahle hua karta tha. Iske ilawa bhi bahut se aise reason ho sakte hai, jo ki wo aapko nahi btana chahti ho. Or isiliye hi wo aisa sab kuch jaan buj kar rahi ho taki aap usse itne tang ho jaye ki aap use khud hi chord de ya usse breakup karle. Isiliye sabse pahle to aapko wo reason pata karna hoga, jis karan se uske bhaav jyada hi bad gaye hai.

Usse Is Bare Me Baat Kare

Aapko agar koi bhi reason pata lagta hai, to aapko usse akele me bhaith kar aaram se baat karni chahiye. Or koshish karni chahiye, taki wo aapki baat samjh sake or aapki ye problem aaram se bhaith kar baat karne se hi solve ho jaye. Or agar fir bhi wo nahi samjhti hai to iska matlab hai ki wo ab nahi chahti hai ki aap dono sath me raho. Or mere hisab se aapke liye bhi yehi sahi hoga, kyunki aaj nahi to ek hafte baad bhi usne to aapko chodna hi hai. Isiliye aapko abhi se hi us ladki se durr ho jana chahiye. Taki baad me aapki feelings utni hurt na ho.

Problem Ko Solve Kare

Agar aap apni girlfriend se sach me bahut pyaar karte hai or aap use khona nahi chahte hai. To aapko us problem ka pata laga kar use khud hi solve karna hoga. Taki aapki girlfriend bhi samjh sake ki aap usse kitna pyaar karte hai, or aapko sach me uski kitni kadar hai. Or agar aap aisa karenge to aapki girlfriend ki najaron me aapki respect or bhi badh jayegi or sath hi aap dono or bhi kareeb aa jaoge. Or future me kabhi bhi aapko aisi problem ko face nahi karna padhega.

Khush Nahi Ho To Chord Do

Agar aapke itna sab kuch karne ke baad bhi aapki girlfriend bilkul change nahi hoti hai. Or wo wesse hi bhaav hi dikhati rehti hai aapko jaise ki wo pahle dikhati thi. Hosakta hai ab wo aisa sab apne friends ke samne bhi karne lag gaye ho jise aapko kafi hurt ho raha hai. Or apne friends ke samne insult feel hota hai or ab aap bhi uske is behaviour se bahut tang aa chuke ho. To aapko use khud hi chord dena chahiye, fir chahe uska aisa karne ke piche koi bhi reason kyun hi na ho. Kyunki insaan ke liye sabhi cheezon se jyada important hoti hai self respect. Or agar ek insaan ko dusre insaan se respect hi na mil rahi ho, to us insaan ko bula kar ya usse baat karke koi fayeda nahi hai. Ya uske sath relation me rehna ka bhi koi fayeda nahi. Kyunki jis insaan ke sath aap shadi ke sapne saja kar bhaithe ho or wo aapki raddhi bar bhi respect nahi karti, balki baat baat par aapko attitude dikhati hai. To aise insaan se kisi bhi tarah ka koi bhi rista rakh kar koi fayeda nahi hai, kyunki jiske sath aap abhi khush nahi ho to baad me kaise rahoge.

To friends, ye the kuch ache or ajmaye hue lajawab tips ki jab girlfriend jarurat se jyada bhaav khaaye to kya kare. Umeed hai ki aapko hamare ye tips jarur pasand aye honge. Lekin agar fir bhi aapke mann me is topic se related koi bhi sawal hai ya aapko kisi or topic me hamari help chahiye. To aap apni problem niche diye gaye comment box ke jariye hum tak pahuncha sakte hai. Hume bhi aapki madad karne me bahut hi jyada khushi hogi. Hum to yehi chahte hai ki is duniya me jinko bhi aisi problem hai, wo hamare in tips ko padhe or apni life me implement kare. Taki ageh future me unhe kabhi aisi problem ko dubara se face na karna padhe or wo log hamesha khush rahe. So best of luck friends.


38 Comments

Add a Comment

Your email address will not be published. Required fields are marked *