GF Theek Se Baat Na Kare to Kya Karna Chahiye

Kya aap bhi apne girlfriend se pareshan hai, kya wo aapse ache se baat nahi karti. Or aisa aapke sath hamesha se hota aa rha hai. Fir chahe aap log kahi akele ho ya fir apne doston ke sath ya kahi bahar. Or isi wajah se aapko apne doston ke samne uncomfortable hota hai aur sharminda hona padhta hai, Kyunki aapke baki sabhi doston ki girlfriend apne boyfriend se bade pyaar or izzat ke sath baat karti hai or dhang se rehti hai. Lekin aapke or aapki girlfriend ke bich aisa bilkul nahi hai, balki iska ulta hi hai. Or ab to aap bahut hi jyada pareshan ho gaye ho kyunki ab toh ye bahut jyada bad chuka hai. To aapko ab or pareshan hone ki bilkul bhi jarurat nahi hai, kyunki aaj ke baad aapki ye problem bahut hi jald door hone wali hai. Lekin uske liye aapko niche diye gaye tips ko ache se padhne ke sath sath unhe dhang se samjhna bhi hoga. Taki aapko pata chal sake ki jab girlfriend theek se baat na kare to kya kare. To doston ab intezaar kis baat hai, ho jao shuru..

Girlfriend Theek Se Baat Na Kare To Kya Kare Ke Tips

Toh ab aaj hum baat karenge ki agar girlfriend theek se baat na kare to kya kare. Or aapki is problem ka solution janne se pahle aapko pahle kuch aisi baatein hai jo ki aapka janna bahut hi jyada jaruri hai. Jaise ki wo kya wajah hai jo ki wo aapke sath aisa saluk(behave) kar rahi hai ya wo kahi aapko dhooka to nahi de rahi. Or ab baki ki baatein janne ke liye aapko niche diye gaye tips ko padh kar unhe dhang se follow karna hoga.

Girlfriend Theek Se Baat Na Kare To Kya Kare Ke Tips

Is Bareh Me Girlfriend Se Baat Kare

Iska sabse pehla aur perfect solution toh hai ki aap use khud baat karo aur use pyar se pucho ki is sab ke peeche kya reason hai. Ho sakta hai uske liye kuch genuine reasons ho jaise wo kisi cheez se pareshan ho ya insecurity ya kuch bhi. Isliye pehle toh aap dono ko mil ke ise sort out karne ki koshish karni chahiye. Reasons chahe jo bhi ho aapko use batana chahiye ki iske consequences kya hai jaise aapke friends aap pe haste hai apki battein karte hai, etc etc. Bas use kabhi kisi se compare na karna ya kisi aur ki example deke mat samjhana jaise uski gf use kitne pyar se baat karti hai aur tum…isse battein aur bigadengi. Isliye better hai aap dono ise pyar se samjh kar sort out karlo aur use samjhane ki koshish karo.

Uske Aise Behave Karne Ke Piche Ka Reason Jane

JAb aap use baat karte hai toh use sabse pehle in sab cheezo ka reason  jano ki wo aisa sab kyu kar rahe hai. Or ye baat jha tak mera idea hai, wo aapko khud to btayegi nahi. Isliye aapko ye baat janne ke liye khud hi koshish karni hogi kyunki uski sabsi pehli line aayegi, tumhe nahi pata kya hua, jab ki aapko actual mein nahi pata kya hua. Ab is reason ka pata karne ke liye aapko uski jasoosi bhi karni padh sakti. Taki aap asliyat jaan sako or ye pata laga sako ki aisi kya baat ho gayi ki jo ladki kal tak aap se itne pyaar se baat karti thi or aj wohi ladki aapse sidhe muh baat tak nahi karti. Or is baat ke piche bahut se reason ho sakte hai, jaise ki shayad wo kisi baat ko lekar tension me ho or uska mood sahi na ho ya fir use aapke khillaf kisi ne bhadkaya hoga. Or ya fir use ab aap me interest nahi rha ho or use koi pasand aa gaya ho.

Or shayad ab wo uske sath relation me ho lekin wo aapko bata na paa rahi ho. Taki aapka dil na tut jaye or ya fir wo aisa sab kuch jaan buj kar rahi ho, taki aap use khud hi chord do ya kuch or bhi. Lekin ye sari baatein aapko khud se hi pata lagani hogi, taki aap jaan sako ki inme se wo konsa reason hai jiski wajah se aapki girlfriend sidhe muh baat tak nahi karti.

Mis-understanding Durr Kare

Agar uski jasoosi karke pata chalta hi ki uske mind mein koi misunderstanding hai toh aap use akele mein mil kar use samjhao aur use trust dilwao ki aisa kuch nahi hai aur ye sirf uski mis understanding hai aur aage se aisa kuch nahi hoga. Aur use batao ki jisne bhi use ye baat boli hai wo shayad nahi chahte ki aap uske sath raho toh wo bas aap dono ke beech misunderstanding create kar rahe hai. Or agar aapki girlfriend ko jo baat pata chali hai or wo baat sach hai to aapko usse maafi mangni chahiye or usse ek mauka mangna chahiye. Or sath hi aapko apni galati bhi manni hogi, taki use bhi lage ki aap use sach me bahut chahte ho or aap use khona nahi chahte ho. Kisi bhi baat ke liye ya kisi bhi kimat par. Agar aapko pata hai ki aapki galati hai phir toh jitni jaldi ho sake maffi mang lo. Is se pehle ki wo aapse baat karna band kare. Or aisa hone ke baad is baat ka anjam ye hoga ki aap use puri tarah se kho doge. Isliye sochne me waqt jaya na kare or kaam par lag jaye or ja kar use manaye.

Uske Sath Jyada Se Jyada Time Spend Kare

Agar aapko lagta hai ki aap use sahi tarah se time nahi de pa rahe ho to aapko kuch acha sa plan karke uske sath kahi ghumne jana chahiye. Or sath hi use aisa mehsus karwana chahiye jaise ki wo aapke liye bahut special hai. Or sath hi aap kisi bhi choti moti baat ke liye use khona nahi chahte. Or in sab baaton ke ilawa aapko use khush rakhne ki puri koshish karni hogi. Taki wo khud bhi samjh sake ki jo bhi wo aapke bare me galat soch rahi thi wo sab kuch uski galat fehmi thi. Or usne aapke sath jaisa bhi behave kiya uske liye wo bahut hi jyada sharminda hai. Or ageh se wo kabhi bhi aisa nahi karegi or sath hi wo aap se maafi bhi mangegi, kyunki ab use apni galatiyon ka ehsaas jo ho gaya hai.

Cheat Kar Rahi Hai

Ho sakta hai wo aapko cheat kar rahe ho use koi aur pasand aa gaya ho aur ho sakta uske sath relation mein bhi ho toh wo aapke sath aisa behave kar rahe hai, taki aap use chod do. Iska reason ye bhi ho sakta ki ab wo aapse satisfied na ho. Aur agar aapko lagta wo kisi aur ke liye aapko cheat kar rahe hai toh phir toh apke liye sabse best hai use chod dena. Wo aapko deserve nahi karti. Ek baar mushkil zaroor lagega but aap theek ho jaoge atleast cheat hone se toh acha hai.

Khush Nahi Ho To Chord Do

Agar aapko lagta hai ki aisa chalte hue bahut hi jyada time ho gaya hai or aapke samjhane pe bhi wo nahi samjh rahi aur aapne apni taraf se puri koshish kari hai is relation ko sort out karne ki but aisa kuch nahi ho pa raha toh aapko use chod dena chahiye. kyunki relation ka matlab hota hai ki jab hume kisi insaan ke sath rehne se khushi milti ho or wo aapko achi tarah se smajhti ho jaise ki koi or na samjhta ho. Or jab ek relation me aisa nahi hota, balki iska ulta hi hota hai or aap dono hi is riste se khush nahi ho. To wohi ek sahi time hota hai, ki jab dono ko ek dusre se alag ho jana chahiye. Or apne apne raste nikal jana chahiye. Taki aap logo ki musibattein or bhi jyada na badh sake.

To friends, ye the kuch lajawab tips ki jab girlfriend theek se baat na kare to kya kare. Umeed hai aapko ye tips jarur pasand or samjh me aa gaye honge. Lekin agar fir bhi aapke mann me isse related koi bhi doubt ya koi sawal hai ya fir aapko kisi or topic me problem hai. To aap niche comment karke humse apni koi bhi problem share kar sakte hai. Hume aapki help karke bahut khushi hogi. Aur tips jaane ke liye hamare sath bane rahe. So best of luck friends. 😉


36 Comments

Add a Comment

Your email address will not be published. Required fields are marked *